«Исткомтранс» ЖШС бидай кебегімен тиелген бірінші контейнерлік пойызды Қостанай бекетінен, Достық шекара бекеті арқылы Чунцин қытайлық қаласына жіберді.

Пойыз 40-футтық қырық алты контейнерден құрылған.

Мұндай жөнелтілімдерді тұрақты ету жоспарланған: айына Шэньси, Хубэй, Цзянси, Хунан және Сычуан қытайлық провинцияларына бағытталған 4 контейнерлік пойызға дейін.

Қазақстан территориясында контейнерлер мен жүк вагондарының ірі жеке меншік иесі бола тұра, «Исткомтранс» теміржол көлігі арқылы Қытайға экспорттық өнімдерді жеткізу бойынша сервисін дамытуды жалғастыруда.

Айта кететіні, ҚХР жағынан енгізілген «ковидтік» шектеулерге қарамастан, астықты жүкті контейнерлермен тасымалдау қазақстандық экспорттаушылар үшін ыңғайлы әрі экономикалық тиімді болып табылады.

Одан бөлек, астықты контейнерлік пойыздар жүк тасымалдауларының контейнерлеу үлесін арттыруға себептеседі.

Оңтайлы логистикалық шешімдер қазақстандық экспорттаушыларға тұрақты жетілімдермен көлемдерді арттырып, жаңа мақсатты нарықтарды ашуға мүмкіндік береді, ол экспорттық өнімдерді тұрақты негізде сыртқа шығаруды қамтамасыз етеді.